alam kong may mga sugat kang
hindi ko basta mahihilom,
pero mananatili ako
sa distansyang hindi nakakasakal,
yung sapat lang.
para maramdaman mong
hindi ka kailanman nag-iisa.
Hindi ko ipipilit ang sagot
na hindi mo na kayang ibigay.
Hindi ko hahayaang maging
bigat ang presensya ko,
pero hindi rin ako aalis
kahit gaano ka katahimik
dahil minsan, ang pagmamahal ay ipinapakita
sa pananatiling hindi umaangkin.
Hindi ko ipipilit ang "tayo"
kung hindi na panahon,
pero narito ako,
buo at marangal sa paghawak sayo,
kahit sa hangin mo lang ako pinapayagang manatili.
Hindi ako aalis,
dahil sa puso kong marunong magmahal,
may puwang ka... kahit ayaw mo nang pasukin."
No comments:
Post a Comment